PM Suraksha Bhema Yojana: సంవత్సరానికి కేవలం 12 రూపాయల ప్రీమియంతో 2 లక్షల వరకు బీమా... పూర్తి వివరాలను ఇక్కడ తెలుసుకోండి.
పీఎం సురక్షబీమా యోజనకు.. ఈ నెలలోనే ప్రీమియం కట్టాలి డబ్బుఖాతా నుంచేడెబిట్ అవుతుంది
అతి తక్కువ ఖర్చుతో ప్రతి ఒక్కరికీ జీవిత బీమా కల్పించాలనే ఉద్దేశంతో అందుబాటులోకి తెచ్చిన ప్రధాన్ మంత్రి సురక్ష బీమా యోజన ప్రీమియం చెల్లించే గడువు దగ్గరపడింది. లబ్ధిదా రులు ఈనెలలోనే బీమా ప్రీమియం చెల్లించాలి. బ్యాంకు ఖాతా నుంచి కేవలం 12 రూపాయలు తీసుకుంటారు. పాలసీహోల్టర్ ప్రమాదవశాత్తు మరణిస్తే నామీనికి రూ. 2 లక్షలు లభిస్తాయి. కొంత వైకల్యం వస్తే రూ.1లక్ష ఇస్తారు. ప్రీమియం మొత్తాన్ని డెబిట్ చేసిన వెంటనే ఈ విషయాన్ని లబ్ధిదారులకు ఎస్ఎంఎస్ ద్వారా తెలియజేస్తారు. సాధారణంగా ప్రతి సంవత్సరం మే 25 మే 31 మధ్య ప్రీమియం మొత్తాన్ని ఖాతా నుంచి ఆటో డెబిట్ విధానంలో తీసుకుంటారు. ఈ స్కీములో చేరడానికి ఆటో డెబిట్ కు ఒప్పుకోవడం తప్పనిసరి. దరఖాస్తు ఫారమ్ నింపడం ద్వారా లేదా నెట్ బ్యాంకింగ్ ద్వారా ఎవరైనా ఈ స్కీములో చేరవ చ్చు.
పీఎం సురక్ష బీమా యోజనను ప్రభుత్వరంగ సాధారణ ఇన్సూరెన్స్ కంపెనీలతోపాటు ఇతర సాధారణ ఇన్సూరెన్స్ సంస్థలూ అందిస్తున్నాయి. ఇందుకోసం బ్యాంకులతో ఒప్పందాలు కుదుర్చుకున్నాయి. పాలసీ హోల్టర్ మరణిస్తే డెత్ సర్టిఫికెట్ లేదా డిజబిలిటీ సర్టిఫికెట్ తోపాటు మరికొన్నిడా క్యుమెంట్లను బ్యాంకులకు అందించాలి. ఆఫీసర్ల వెరిఫికేషన్ పూర్తయిన తరువాత, క్లెయిమ్ మొత్తం లబ్ధిదారుడి ఖాతాకు పంపుతారు.
ప్రధానమంత్రి సురక్ష బీమా యోజన:
మోదీ ప్రభుత్వం ప్రజలకు ఎన్నో రకాల స్కీమ్ లను అందిస్తోంది. వాటిలో కొన్ని పేద ప్రజల కోసం ప్రత్యేకంగా ఏర్పాటు చేసింది. అలాంటి వాటిలో ప్రధానమంత్రి సురక్ష బీమా యోజన స్కీమ్ కూడా ఒకటి. ఈ పథకంలో చేరి తక్కువ ప్రీమియంతో అధిక భీమా ను పొందవచ్చు.
భవిష్యత్తులో ఎదురయ్యే సమస్యల నుండి కుటుంబాన్ని సురక్షితంగా సంరక్షించుకోవడానికి భీమా పొందడం ఎంతో అవసరం... అయితే పేద/సామాన్య ప్రజలకు అధిక మొత్తంలో ప్రీమియం చెల్లించడం సాధ్యం కాదు అలాంటి వారి కోసమే ఈ బీమా యోజన పథకం.
ప్రకృతి వైపరీత్యాల కారణంగా ఎదురయ్యే సమస్యల నుండి కుటుంబాన్ని సంరక్షించుకోవడానికి భీమా కలిగి ఉండడం చాలా ముఖ్యం... అయితే పేద ప్రజలకు అధిక మొత్తంలో ప్రీమియం చెల్లించి భీమా పొందటం కష్టతరమవుతుంది. అలాంటి వారికి చేయూతను అందించడానికి కేంద్ర ప్రభుత్వం ప్రధానమంత్రి సురక్ష బీమా యోజన ను తీసుకు వచ్చింది. ఈ పథకంలో చేరి సంవత్సరానికి కేవలం 12/- రూపాయల ప్రీమియం చెల్లించడం ద్వారా 2 లక్షల వరకు బీమా పొందవచ్చు.
ప్రస్తుతం ఉన్నటువంటి ఇతర పాలసీలతో పోల్చుకుంటే ఈ ప్రమాద బీమా పథకం చాలా చౌకగా ఉన్నది. బలహీన వర్గాల ప్రజలు వారి భవిష్యత్తును భద్రతతోపాటు కుటుంబ సభ్యులను కూడా సురక్షితంగా ఉంచేందుకు సహాయం చేస్తుంది. కేంద్ర ప్రభుత్వం ఈ పథకాన్ని 2015 లో ప్రారంభించింది. ఈ పథకం యొక్క విధానం, దీనిని ఎలా పొందాలి, అనే విషయాలను ఇప్పుడు తెలుసుకుందాం.
ప్రధానమంత్రి సురక్ష భీమా ప్రయోజనాలు:
➠ఈ సురక్ష బీమా యోజన కింద చేరి ప్రతి సంవత్సరం 12/- రూపాయల ప్రీమియం చెల్లిస్తూ.. బీమా చేసిన వ్యక్తి అకస్మాత్తుగా ప్రమాదంలో మరణిస్తే అతని కుటుంబానికి (భీమా చేసే సమయంలో పేర్కొన్న టువంటి నామినికి) 2 లక్షల రూపాయలు చెల్లిస్తుంది.
➠అదే సమయంలో/ ప్రమాదంలో వ్యక్తి (అతడు/ఆమె) వికలాంగులైతే అలాంటి వారికి 1 లక్ష రూపాయలు ఇవ్వబడతాయి.
➠రెండు కాళ్లు/ చేతులు/ పూర్తిగా నష్టపోయినా/ ఒక కన్ను పూర్తిగా చూపు కోల్పోయిన అలాంటివారికి 2 లక్షల రూపాయలు చెల్లిస్తుంది.
ఎవరు ఈ పాలసీ తీసుకోవడానికి అర్హులు:
18 నుండి 70 సంవత్సరాల మధ్య వయసు ను కలిగి ఉన్నవారు ఈ పాలసీ కింద చేరవచ్చు. వీరు బ్యాంక్ అకౌంట్ ను కలిగి ఉండాలి. ప్రతి సంవత్సరం బ్యాంక్ అకౌంట్ నుండి 12 రూపాయల ప్రీమియం కట్ చేయబడుతుంది. ఈ పాలసీ నుండి మధ్యలోనే బయటకు రావాలనుకునేవారు అకౌంట్ కలిగి ఉన్న బ్యాంకుకు వెళ్లి ఒక అప్లికేషన్ ఇవ్వడం ద్వారా దీనిని నిలిపివేయవచ్చు.
➧ ఆకాష్ ఆన్లైన్ స్కాలర్షిప్ టెస్ట్, ప్రతిభను బట్టి 90% స్కాలర్షిప్.. ఇంటి నుంచే ఆన్లైన్ పరీక్ష రాసుకునే అవకాశం. పూర్తివివరాలను ఇక్కడ చదవండి.
దరఖాస్తు విధానం:
➠ప్రధానమంత్రి సురక్ష బీమా యోజన కింద దరఖాస్తు చేసుకోవడానికి బ్యాంక్ అకౌంట్ కలిగి ఉండాలి.
➠ఆధార్ కార్డు బ్యాంక్ ఖాతా తో లింక్ చేసి ఉండాలి.
➠దరఖాస్తు చేసుకోవడానికి దరఖాస్తును అధికారిక వెబ్ సైట్ నుండి డౌన్లోడ్ చేసుకుని పూర్తి చేయండి.
➠అలాగే వీటితోపాటుగా ఆధార్ కార్డు, బ్యాంక్ పాస్ పుస్తకం, వయసు ధ్రువీకరణ పత్రం, ఆదాయ ధ్రువీకరణ పత్రం, మరియు ఫోటో కాపీలను జతచేసి అకౌంట్ కలిగి ఉన్న బ్యాంకుకు సందర్శించి దరఖాస్తు చేసుకోండి.
పూర్తి సమాచారం కోసం అధికారిక వెబ్ సైట్ ను సందర్శించండి.
అధికారిక వెబ్ సైట్ లింక్: https://jansuraksha.gov.in/PMSBY.
ప్రధానమంత్రి సురక్ష బీమా యోజన దరఖాస్తు పత్రం:
ప్రధానమంత్రి సురక్ష బీమా యోజన క్లయిమ్ ఫార్మ్:
Comments
Post a Comment